Topaz Premyer Liqasının VII turunun təyinatları açıqlanıb. Oktyabrın 5-də baş tutacaq qarşılaşmaları idarə edəcək hakimlər, onların işinə qiymət verəcək hakim-inspektorlar, həmçinin AFFA nümayəndələri müəyyənləşib. I dövrədəki son matçını səfərdə “Zirə”yə qarşı keçirəcək “Qəbələ”nin oyununa da təyinatlar bəlli olub. “Dalğa Arena”dakı qarşılaşmanı Rauf Cabbarov idarə edəcək. Onun köməkçiləri Nahid Əliyevlə Elşad Abdullayev olacaq. Dördüncü hakim funksiyasını Səbuhi Bayramov yerinə yetirəcək. Oyunun hakim-inspektoru Xaqani Məmmədov, AFFA nümayəndəsi isə Eldar Qasımov olacaq.
Xatırladaq ki, oktyabrın 5-də “Dalğa Arena”da keçiriləcək “Zirə” – “Qəbələ” matçı saat 18:00-da başlayacaq.
Topaz Premyer Liqası
VII tur
05 oktyabr (cümə)
18:00. “Zirə” – “Qəbələ”
Hakimlər: Rauf Cabbarov, Nahid Əliyev, Elşad Abdullayev, Səbuhi Bayramov
Hakim-inspektor: Xaqani Məmmədov
AFFA nümayəndəsi: Eldar Qasımov
“Dalğa Arena”
