Azərbaycan Premyer Liqasında XIX turun oyunları üçün bütün təyinatlar açıqlanıb. İki gün ərzində keçiriləcək oyunların hakimləri, hakim-inspektor və AFFA nümayəndələri müəyyənləşib. “Qəbələ”nin “Zirə” ilə səfər matçının da təyinatları bəlli olub. Martın 1-də keçiriləcək qarşılaşmanın baş hakimi Orxan Məmmədov olacaq. Ona Elşad Abdullayevlə Vüqar Bayramov yardım edəcəklər. Dördüncü hakim funksiyasını Rəşad Əhmədov yerinə yetirəcək. Zirə İdman Kompleksinin stadionundakı oyunda Ceyhun Haşımov hakim-inspektor, Ramiz Mustafayev AFFA nümayəndəsi olacaq.
Xatırladaq ki, “Zirə” – “Qəbələ” matçı saat 15:00-da başlayacaq.
Azərbaycan Premyer Liqası
XIX tur
01 mart (bazar)
15:00. “Zirə” – “Qəbələ”
Hakimlər: Orxan Məmmədov, Elşad Abdullayev, Vüqar Bayramov, Rəşad Əhmədov
Hakim-inspektor: Ceyhun Haşımov
AFFA nümayəndəsi: Ramiz Mustafayev
Zirə İdman Kompleksinin stadionu
