Azərbaycan Premyer Liqasında XXVI turun son təyinatları açıqlanıb. Sabah keçiriləcək matçların hakimləri, hakim-inspektor və AFFA nümayəndələri müəyyənləşib. “Qəbələ”nin “Zirə” ilə səfər görüşünün də təyinatları bəlli olub. Bakıdakı qarşılaşmanın baş hakimi Əliyar Ağayev olacaq. Ona Akif Əmirəli və Zeynal Zeynalov yardım edəcəklər. Dördüncü hakim funksiyasını Rövşən Rəcəbov yerinə yetirəcək. Zirə İdman Kompleksinin stadionundakı oyunda Ramil Diniyev hakim-inspektor, İlham Əliyev AFFA nümayəndəsi olacaq.
Xatırladaq ki, “Zirə” – “Qəbələ” matçı saat 18:00-da başlayacaq.
Azərbaycan Premyer Liqası
XXVI tur
09 may (bazar)
18:00. “Zirə” –“Qəbələ”
Hakimlər: Əliyar Ağayev, Akif Əmirəli, Zeynal Zeynalov, Rövşən Rəcəbov
Hakim-inspektor: Ramil Diniyev
AFFA nümayəndəsi: İlham Əliyev
Zirə İdman Kompleksinin stadionu
