U-19 Türkiyədə 2-ci oyununu keçirdi
Xəbərlər / 12 Yanvar 2017 | 21:30273
U-19 Türkiyədə 2-ci oyununu keçirdi

Türkiyənin Antalya şəhərində təlim-məşq toplanışında olan “Qəbələ”nin 19 yaşadək futbolçulardan ibarət komandası ikinci yoxlama oyununu keçirib. “Qırmızı-qaralar” “Antalyaspor”un U-19 komandası ilə görüşdə qüvvəsini sınayıb. 
“Qəbələ” görüşə aşağıdakı “11-lik”lə başlayıb: Yasin Əliyev, Rüstəm Nuriyev, Fərid Nadirov, İzzət Müştaqov, Vüsal Məsimov, Abbas Ağazadə, Fikrət Tağıyev, Arsen Ağcabəyov, Məhəmməd Abbaslı, Təbriz İsazadə, Fəqan Məsimov.
İlk yarıda daha fəal olan “Qəbələ” hesabı açıb. Meydan sahiblərinin qapısına Abbas Ağazadə yol tapıb. Oyunun gedişində hər iki komanda futbolçu dəyişiklikləri edib. Qarşılaşmanın ikinci yarısında Antalya təmsilçisi iki qol vurmağı bacarıb. Beləliklə, U-19 komandamız ikinci yoxlama oyununda 1:2 hesabı ilə məğlub olub.
Xatırladaq ki, ilk görüşdə “Kartalspor”u 3:1 hesabı ilə məğlub edən “Qəbələ” yanvarın 14-də keçiriləcək son qarşılaşmada “Kunduspor”la görüşəcək.