«Neftçi» - «Qəbələ» oyununun hakimləri müəyyənləşdi
Xəbərlər / 16 Noyabr 2017 | 12:4490
«Neftçi» - «Qəbələ» oyununun hakimləri müəyyənləşdi

Topaz Premyer Liqasının XII turunun təyinatları açıqlanıb. Sabah start götürəcək turun qarşılaşmalarını idarə edəcək hakimlər, hakim-inspektorlar və AFFA nümayəndələri müəyyənləşib. “Qəbələ”nin “Neftçi” ilə səfər oyununu Əliyar Ağayev idarə edəcək. Noyabrın 19-da keçiriləcək qarşılaşmada FİFA referisinin köməkçiləri Zeynal Zeynalov, Akif Əmirəli olacaq. Orxan Məmmədov isə matçın dördüncü hakimi funksiyasını yerinə yetirəcək. Oyunda Əli Hüseynov hakim-inspektor, Sakin Məmmədzadə AFFA nümayəndəsi olacaq.

Xatırladaq ki, noyabrın 19-da baş tutacaq görüş “Bakcell Arena”da keçiriləcək. Matç saat 17:00-da başlayacaq.

 

Topaz Premyer Liqası

XII tur

19 noyabr (bazar)

17:00. “Neftçi” – “Qəbələ”

Baş hakim: Əliyar Ağayev

Baş hakimin köməkçiləri: Zeynal Zeynalov, Akif Əmirəli

Dördüncü hakim: Orxan Məmmədov

AFFA nümayəndəsi: Sakin Məmmədzadə

Hakim-inspektor: Əli Hüseynov

Bakı. “Bakcell Arena” stadionu